قصيدة حزينة ورائعة (قصة) .. :(

قصة بنت كانت تطالع

واحد بعين قويه

المهم الرجال طلع شاعر

وما قصر فيها كم بيت عشان تتأدب

لكن المفاجأه هي ؟؟؟؟

وش صار؟؟

تابعوا القصيدة

يقول:

كل شبر بهالوسيعـه ملـك ربـي تعلميـن

وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن

وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن

لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن

وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟

قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن

ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟

يغفر الله ذنوب عبده ليا خطا وهـل تغفـرون؟؟؟؟

اتمنى يعجبكم

تحياتي/ ملوكه..

الله يعطيك العافيه ملوكه
القصيده جداً رائعه
والاروع وجودك
دمتي بود وسلام
ننتظر جديدك ...

ااالصمت أحسن حل لا ضاااق صدري !!
بعض ااالسواالف زااادت ااالضيق بااالضيق !!
وإذااا نشدني من نشد 000 قلت مدري
أجحد بـ مدري نشفة ااالحاال وااالريق !!

يعطيك العافيه خيتو (ملاك الكون)ا

على القصيده كانت مررره حلوه

صراحه اثرت فيني بقوووه

دمتي بود

تحياتي/ زينة الدنيا..

الجوري كتب:: الله يعطيك العافيه ملوكه
القصيده جداً رائعه
والاروع وجودك
دمتي بود وسلام
ننتظر جديدك ...

يسلمووو الجوري على تواجدك الرائع

نورتي بحظورك يالغلا

لك ودي ووردي

ملوووكــــــــه...

j.o.k.e.r كتب:: ااالصمت أحسن حل لا ضاااق صدري !!
بعض ااالسواالف زااادت ااالضيق بااالضيق !!
وإذااا نشدني من نشد 000 قلت مدري
أجحد بـ مدري نشفة ااالحاال وااالريق !!

يعطيك العافيه الجوكر على مرورك المميز

وجودك عطر لصفحاتي

دمت بكل ود واحتراااام ..

ملوووكـــــــــه...

زينة الدنيا كتب:: يعطيك العافيه خيتو (ملاك الكون)ا

على القصيده كانت مررره حلوه

صراحه اثرت فيني بقوووه

دمتي بود

تحياتي/ زينة الدنيا..

هلا بك زينة الدنيــــــــــا

اسعدني مرورك كثيراً غاليتي

دمتي بهذا النشااااط

لك ودي وودادي

ملوووكـــــه...